chashm e be khvaab ko saamaan bahut

Chashm-e-be-khvaab ko saamaan bahut! Raat-bhar shahr kee galiyon men havaa Haath men sang liye Khauf se zard makaanon ke dhaDakte dil par Dastaken detee chalee jaatee hai Raushnee band kivaaDon se nikalte hue ghabraatee hai Har taraf cheekh see chakraatee hai Hain mire dil ke liye dard ke unvaan bahut Dard kaa naam samaa.at ke liye raahat-e-jaan Dast-e-be-maaya ko zar Nutq-e-khaamosh ko lafz Khvaab-e-be-dar ko makaan Dard kaa naam mire shahr-e-khwaish kaa nishaan Manzil-e-reg-e-ravaan Dard kee raah pe taskeen ke imkaan bahut! Hijr kaa dard kaThin hai phir bhee Vo bhee us roz bichhaD kar mujh se Khush to na thee Us ne ye manzil-e-gham Kis tarah kaaTee hogee Vo bhee to meree tarah hogee pareshaan bahut (dard kee raah men taskeen ke saamaan bahut) Kyaa khabar us kee samaa.at ke liye Dard kaa naam bhalaa ho ki na ho Shahr-e-khwaish kaa nishaan Nutq-e-khaamosh kaa iz.haar huaa ho ki na ho Dast-e-be-maaya kaa zar (wo tahee-dast na thii) Hijr kaa dard banaa ho ki na ho Us kee galiyon men ravaan dastaken detee huee surkh havaa ho ki na ho Ishq-e-nau-khez ke armaan bahut Shauq-e-gul-rang ke raste men bayaabaan bahut Sokhta-jaan bahut Chashm-e-be-khvaab ko saamaan bahut Chashm-e-be-KHwab ko saman bahut! Raat-bhar shahr ki galiyon mein hawa Hath mein sang liye KHauf se zard makanon ke dhaDakte dil par Dastaken deti chali jati hai Raushni band kiwaDon se nikalte hue ghabraati hai Har taraf chiKH si chakraati hai Hain mere dil ke liye dard ke unwan bahut Dard ka nam samaat ke liye rahat-e-jaan Dast-e-be-maya ko zar Nutq-e-KHamosh ko lafz KHwab-e-be-dar ko makan Dard ka nam mere shahr-e-KHwahish ka nishan Manzil-e-reg-e-rawan Dard ki rah pe taskin ke imkan bahut! Hijr ka dard kaThin hai phir bhi Wo bhi us roz bichhaD kar mujh se KHush to na thi Us ne ye manzil-e-gham Kis tarah kaTi hogi Wo bhi to meri tarah hogi pareshan bahut (dard ki rah mein taskin ke saman bahut) Kya KHabar us ki samaat ke liye Dard ka nam bhala ho ki na ho Shahr-e-KHwahish ka nishan Nutq-e-KHamosh ka izhaar hua ho ki na ho Dast-e-be-maya ka zar (wo tahi-dast na thi) Hijr ka dard bana ho ki na ho Us ki galiyon mein rawan dastaken deti hui surKH hawa ho ki na ho Ishq-e-nau-KHez ke arman bahut Shauq-e-gul-rang ke raste mein bayaban bahut SoKHta-jaan bahut Chashm-e-be-KHwab ko saman bahut