dar e kaaenaat jo vaa kare usii aagahii ki talaash hai

Dar-e-kaa.enaat jo vaa kare usee aagahee kee talaash hai Mujhe raushnee kee talaash thee mujhe raushnee kee talaash hai Gham-e-zindagee ke fishaar men tiree aarzoo ke ghubaar men Isee be-hisee ke hisaar men mujhe zindagee kee talaash hai Ye jo sarsaree see nashaat hai ye to chand lamhon kee baat hai Miree ruuh tak jo utar sake mujhe us khushee kee talaash hai Ye jo aag see hai dabee dabee nahin dosto mire kaam kee Vo jo ek aan men phoonk de usee sho.alagee kee talaash hai Ye jo saakhta se hain qahqahe mire dil ko lagte hain bojh se Vo jo apne aap men mast ho mujhe us hansee kee talaash hai Ye jo mel-jol kee baat hai ye jo majlisee see hayaat hai Mujhe is se koi gharaz nahin mujhe dostee kee talaash hai Dar-e-kaenat jo wa kare usi aagahi ki talash hai Mujhe raushni ki talash thi mujhe raushni ki talash hai Gham-e-zindagi ke fishaar mein teri aarzu ke ghubar mein Isi be-hisi ke hisar mein mujhe zindagi ki talash hai Ye jo sarsari si nashat hai ye to chand lamhon ki baat hai Meri ruh tak jo utar sake mujhe us KHushi ki talash hai Ye jo aag si hai dabi dabi nahin dosto mere kaam ki Wo jo ek aan mein phunk de usi shoalagi ki talash hai Ye jo saKHta se hain qahqahe mere dil ko lagte hain bojh se Wo jo apne aap mein mast ho mujhe us hansi ki talash hai Ye jo mel-jol ki baat hai ye jo majlisi si hayat hai Mujhe is se koi gharaz nahin mujhe dosti ki talash hai