ek aazaar huii jaatii hai shohrat ham ko

Ek aazaar huee jaatee hai shohrat ham ko Khud se milne kee bhee miltee nahin fursat ham ko Raushnee kaa ye musaafir hai rah-e-jaan kaa nahin Apne saa.e se bhee hone lagee vahshat ham ko Aankh ab kis se tahayyur kaa tamaashaa maange Apne hone pe bhee hotee nahin hairat ham ko Ab ke ummeed ke shole se bhee aankhen na jaleen Jaane kis moD pe le aa.ee mohabbat ham ko Kaun see rut hai zamaane men hamen kya maaloom Apne daaman men liye phirtee hai hasrat ham ko Zakhm ye vasl ke marham se bhee shaayad na bhare Hijr men aisi milee ab ke masaafat ham ko Daagh-e-isyaan to kisee taur na chhupte 'amjad' Dhaanp letee na agar chaadar-e-rahmat ham ko Ek aazar hui jati hai shohrat hum ko KHud se milne ki bhi milti nahin fursat hum ko Raushni ka ye musafir hai rah-e-jaan ka nahin Apne sae se bhi hone lagi wahshat hum ko Aankh ab kis se tahayyur ka tamasha mange Apne hone pe bhi hoti nahin hairat hum ko Ab ke ummid ke shole se bhi aankhen na jalin Jaane kis moD pe le aai mohabbat hum ko Kaun si rut hai zamane mein hamein kya malum Apne daman mein liye phirti hai hasrat hum ko ZaKHm ye wasl ke marham se bhi shayad na bhare Hijr mein aisi mili ab ke masafat hum ko Dagh-e-isyan to kisi taur na chhupte 'amjad' Dhanp leti na agar chadar-e-rahmat hum ko