ek aur mashvara

Bastiyaan hon kaisee bhee pastiyaan hon jaisee bhee Har tarah kee zulmat ko raushnee kahaa jaa.e Khaak Daalen manzil par bhuul jaa.en saahil ko Rukh jidhar ho paanee kaa us taraf bahaa jaa.e Mulk bech Daalen yaa aabroo rakhen girvee Jaisaa hukm-e-haakim ho us tarah kiyaa jaa.e Shor men sadaaon ke ajnabee havaaon ke Kaun sunne vaalaa hai? kis se ab kahaa jaa.e! Guftugoo pe pahre hain har taraf kaTahre hain Raaste muayyan hain har qadam pe likkhaa hai Kis jagah pe ruknaa hai! kis taraf chalaa jaa.e Dil kee baat kahne kaa ik yahee tareeqa hai Chhup ke saaree dunya se ab gharon ke konon men Aap hee sunaa jaa.e aap hee kahaa jaa.e Bastiyan hon kaisi bhi pastiyan hon jaisi bhi Har tarah ki zulmat ko raushni kaha jae KHak Dalen manzil par bhul jaen sahil ko RuKH jidhar ho pani ka us taraf baha jae Mulk bech Dalen ya aabru rakhen girwi Jaisa hukm-e-hakim ho us tarah kiya jae Shor mein sadaon ke ajnabi hawaon ke Kaun sunne wala hai? kis se ab kaha jae! Guftugu pe pahre hain har taraf kaTahre hain Raste muayyan hain har qadam pe likkha hai Kis jagah pe rukna hai! kis taraf chala jae Dil ki baat kahne ka ek yahi tariqa hai Chhup ke sari duniya se ab gharon ke konon mein Aap hi suna jae aap hi kaha jae