ek kamra e imtihaan men

Be-nigaah aankhon se dekhte hain parche ko Be-khayaal haathon se An-bane se lafzon par ungliyaan ghumaate hain Yaa savaalnaame ko dekhte hee jaate hain Sochte nahin itnaa jitnaa sar khujaate hain Har taraf kanakhiyon se bach bachaa ke takte hain Doosron ke parchon ko rahnumaa samajhte hain Shaayad is tarah koi raasta hee mil jaa.e Be-nishaan javaabon kaa kuch pata hee mil jaa.e Mujh ko dekhte hain to Yuun javaab copy par haashiye lagaate hain Daa.ere banaate hain Jaise un ko parche ke sab javaab aate hain Is tarah ke manzar main Imtihaan-gaahon men dekhtaa hee rahtaa tha Naql karne vaalon ke Nit-na.e tareeqon se Aap lutf letaa tha doston se kahtaa tha Kis taraf se jaane ye Aaj dil ke aangan men ik khayaal aayaa hai SaikDon savaalon saa ik savaal laayaa hai Vaqt kee adaalat men Zindagee kee soorat men Ye jo tere haathon men ik savaal-naama hai Kis ne ye banaayaa hai Kis liye banaayaa hai Kuchh samajh men aayaa hai Zindagee ke parche ke Sab savaal laazim hain sab savaal mushkil hain Be-nigaah aankhon se dekhtaa hoon parche ko Be-khayaal haathon se An-bane se lafzon par ungliyaan ghumaataa hoon Koee dekhtaa hai to Daa.ere banaataa hoon Haashiye lagaataa hoon Yaa savaal-naame ko dekhtaa hee jaataa hoon Be-nigah aankhon se dekhte hain parche ko Be-KHayal hathon se An-bane se lafzon par ungliyan ghumate hain Ya sawalname ko dekhte hi jate hain Sochte nahin itna jitna sar khujate hain Har taraf kanakhiyon se bach bacha ke takte hain Dusron ke parchon ko rahnuma samajhte hain Shayad is tarah koi rasta hi mil jae Be-nishan jawabon ka kuch pata hi mil jae Mujh ko dekhte hain to Yun jawab copy par hashiye lagate hain Daere banate hain Jaise un ko parche ke sab jawab aate hain Is tarah ke manzar main Imtihan-gahon mein dekhta hi rehta tha Naql karne walon ke Nit-nae tariqon se Aap lutf leta tha doston se kahta tha Kis taraf se jaane ye Aaj dil ke aangan mein ek KHayal aaya hai SaikDon sawalon sa ek sawal laya hai Waqt ki adalat mein Zindagi ki surat mein Ye jo tere hathon mein ek sawal-nama hai Kis ne ye banaya hai Kis liye banaya hai Kuchh samajh mein aaya hai Zindagi ke parche ke Sab sawal lazim hain sab sawal mushkil hain Be-nigah aankhon se dekhta hun parche ko Be-KHayal hathon se An-bane se lafzon par ungliyan ghumata hun Koi dekhta hai to Daere banata hun Hashiye lagata hun Ya sawal-name ko dekhta hi jata hun