faasle

Ab wo aankhon ke shagoofe hain na chehron ke gulaab Ek manhoos udaasee hai ki miTtee hee nahin Itnee be-rang hain ab rang kee khoogar aankhen Jaise is shahr-e-tamannaa se koi rabt na tha Jaise dekhaa tha saraab Dekh letaa hoon agar koi shanaasaa chehra Ek lamhe ko use dekh ke ruk jaataa hoon Sochtaa hoon ki baDhoon aur koi baat karoon Us se tajdeed-e-mulaaqaat karoon Lekin us shakhs kee maanoos gurezaan nazren Mujh ko ehsaas dilaatee hain ki ab us ke liye Main bhee anjaan hoon, ik aam tamaashaa.ee hoon Raah chalte hue in doosre logon kee tarah Ab wo aankhon ke shagufe hain na chehron ke gulab Ek manhus udasi hai ki miTti hi nahin Itni be-rang hain ab rang ki KHugar aankhen Jaise is shahr-e-tamanna se koi rabt na tha Jaise dekha tha sarab Dekh leta hun agar koi shanasa chehra Ek lamhe ko use dekh ke ruk jata hun Sochta hun ki baDhun aur koi baat karun Us se tajdid-e-mulaqat karun Lekin us shaKHs ki manus gurezan nazren Mujh ko ehsas dilati hain ki ab us ke liye Main bhi anjaan hun, ek aam tamashai hun Rah chalte hue in dusre logon ki tarah