ham zaad

Kuch kiyaa jaa.e na sochaa jaa.e MuD ke dekhoon to na dekhaa jaa.e Meree tanhaa.ee kee vahshat se hiraasaan ho kar Meraa saaya mere qadmon men simaT aayaa hai Kaun hai phir jo mire saath chalaa aataa hai Meraa saaya to nahin!! Kis kee aahaT kaa gumaan Yuun mire paanv kee zanjeer banaa jaataa hai Duur taa-hadd-e-nazar shahr ke aasaar nahin Aur dushman kee tarah Shaam talvaar liye sar pe chalee aatee hai Boltaa hoon to aachaanak koi Meree awaaz men awaaz milaa deta hai Mujh ko khud mere hee lafzon se Daraa deta hai Kaun hai jis ne mire qalb kee dhaDkan dhaDkan Apne ehsaas kee suulee pe chaDhaa rakkhee hai Meree raftaar ke pur-khauf-o-khatar raste men Kis ne awaaz kee deevaar banaa rakkhee hai Sang-e-awaaz kee deevaar giraa.oon kaise Kuchh kiyaa jaa.e na sochaa jaa.e MuD ke dekhoon to na dekhaa jaa.e Kuchh kiya jae na socha jae MuD ke dekhun to na dekha jae Meri tanhai ki wahshat se hirasan ho kar Mera saya mere qadmon mein simaT aaya hai Kaun hai phir jo mere sath chala aata hai Mera saya to nahin!! Kis ki aahaT ka guman Yun mere panw ki zanjir bana jata hai Dur ta-hadd-e-nazar shahr ke aasar nahin Aur dushman ki tarah Sham talwar liye sar pe chali aati hai Bolta hun to aachanak koi Meri aawaz mein aawaz mila deta hai Mujh ko KHud mere hi lafzon se Dara deta hai Kaun hai jis ne mere qalb ki dhaDkan dhaDkan Apne ehsas ki suli pe chaDha rakkhi hai Meri raftar ke pur-KHauf-o-KHatar raste mein Kis ne aawaz ki diwar bana rakkhi hai Sang-e-awaz ki diwar giraun kaise Kuchh kiya jae na socha jae MuD ke dekhun to na dekha jae