huzuur e yaar men harf iltijaa ke rakkhe the

Huzoor-e-yaar men harf iltijaa ke rakkhe the Charaagh saamne jaise havaa ke rakkhe the Bas ek ashk-e-nadaamat ne saaf kar Daale Vo sab hisaab jo ham ne uThaa ke rakkhe the Sumoom-e-waqt ne lahje ko zakhm zakhm kiyaa Vagarna ham ne qareene sabaa ke rakkhe the Bikhar rahe the so ham ne uThaa liye khud hee Gulaab jo tiree khaatir sajaa ke rakkhe the Havaa ke pahle hee jhonke se haar maan ga.e Vahee charaagh jo ham ne bachaa ke rakkhe the Tumhee ne paanv na rakkhaa vagarna vasl kee shab Zameen pe ham ne sitaare bichhaa ke rakkhe the MiTaa sakee na unhen roz o shab kee baarish bhee Dilon pe naqsh jo rang-e-hinaa ke rakkhe the Husool-e-manzil-e-dunya kuch aisa kaam na tha Magar jo raah men patthar anaa ke rakkhe the Huzur-e-yar mein harf iltija ke rakkhe the Charagh samne jaise hawa ke rakkhe the Bas ek ashk-e-nadamat ne saf kar Dale Wo sab hisab jo hum ne uTha ke rakkhe the Sumum-e-waqt ne lahje ko zaKHm zaKHm kiya Wagarna hum ne qarine saba ke rakkhe the Bikhar rahe the so hum ne uTha liye KHud hi Gulab jo teri KHatir saja ke rakkhe the Hawa ke pahle hi jhonke se haar man gae Wahi charagh jo hum ne bacha ke rakkhe the Tumhi ne panw na rakkha wagarna wasl ki shab Zamin pe hum ne sitare bichha ke rakkhe the MiTa saki na unhen roz o shab ki barish bhi Dilon pe naqsh jo rang-e-hina ke rakkhe the Husul-e-manzil-e-duniya kuch aisa kaam na tha Magar jo rah mein patthar ana ke rakkhe the