jab bhi aaankhon men tire vasl kaa lamha chamkaa

Jab bhee aankhon men tire vasl kaa lamha chamkaa Chashm-e-be-aab kee dahleez pe Dariya chamkaa Fasl-e-gul aa.ee khule baagh men khushboo ke alam Dil ke saahil pe tire naam kaa taaraa chamkaa 'aks be-naqsh hue aa.ine dhundlaane lage Dard kaa chaand sar-e-baam-e-tamannaa chamkaa Rang aazaad hue gul kee girah khulte hee Ek lamhe men 'ajab baagh kaa chehraa chamkaa Pairahan men bhee tiraa husn na tha hashr se kam Jab khule band-e-qabaa aur hee naqsha chamkaa Dil kee deevaar pe Udhte rahe malboos ke rang Der tak un men tiree yaad kaa saayaa chamkaa Ruuh kee aankh chakaa-chaund huee jaatee hai Kis kee aahaT kaa mire kaan men naghma chamkaa Lahren uTh uTh ke magar us kaa badan choomtee thiin Vo jo paanee men gaya khuub hee Dariya chamkaa Hijr panpaa na tiraa vasl hamen raas aayaa Kisee maidaan men taaraa na hamaaraa chamkaa Jaise baarish se dhule sehn-e-gulistaan 'amjad' Aankh jab khushk huee aur wo chehraa chamkaa Jab bhi aankhon mein tere wasl ka lamha chamka Chashm-e-be-ab ki dahliz pe dariya chamka Fasl-e-gul aai khule bagh mein KHushbu ke alam Dil ke sahil pe tere nam ka tara chamka 'aks be-naqsh hue aaine dhundlane lage Dard ka chand sar-e-baam-e-tamanna chamka Rang aazad hue gul ki girah khulte hi Ek lamhe mein 'ajab bagh ka chehra chamka Pairahan mein bhi tera husn na tha hashr se kam Jab khule band-e-qaba aur hi naqsha chamka Dil ki diwar pe Udhte rahe malbus ke rang Der tak un mein teri yaad ka saya chamka Ruh ki aankh chaka-chaund hui jati hai Kis ki aahaT ka mere kan mein naghma chamka Lahren uTh uTh ke magar us ka badan chumti thin Wo jo pani mein gaya KHub hi dariya chamka Hijr panpa na tera wasl hamein ras aaya Kisi maidan mein tara na hamara chamka Jaise barish se dhule sehn-e-gulistan 'amjad' Aankh jab KHushk hui aur wo chehra chamka