jaise main dekhtaa hoon log nahin dekhte hain

Jaise main dekhtaa hoon log nahin dekhte hain Zulm hota hai kaheen aur kaheen dekhte hain Tiir aayaa tha jidhar se ye mire shahr ke log Kitne saadaa hain ki marham bhee vaheen dekhte hain Kyaa huaa waqt kaa daa'vaa ki har ik agle baras Ham use aur haseen aur haseen dekhte hain Us galee men hamen yuun hee to nahin dil kee talaash Jis jagah kho.e koi chiiz vaheen dekhte hain Shaayad is baar mile koi bashaarat 'amjad' Aa.iye phir se muqaddar kee jabeen dekhte hain Jaise main dekhta hun log nahin dekhte hain Zulm hota hai kahin aur kahin dekhte hain Tir aaya tha jidhar se ye mere shahr ke log Kitne sada hain ki marham bhi wahin dekhte hain Kya hua waqt ka da'wa ki har ek agle baras Hum use aur hasin aur hasin dekhte hain Us gali mein hamein yun hi to nahin dil ki talash Jis jagah khoe koi chiz wahin dekhte hain Shayad is bar mile koi bashaarat 'amjad' Aaiye phir se muqaddar ki jabin dekhte hain