jo din tha ek musiibat to raat bhaarii thii

Jo din tha ek museebat to raat bhaaree thee Guzaarnee thee magar zindagee, guzaaree thee Savaad-e-shauq men aise bhee kuch maqaam aa.e Na mujh ko apnee khabar thee na kuch tumhaaree thee Larazte haathon se deevaar lipTee jaatee thee Na poochh kis tarah tasveer wo utaaree thee Jo pyaar ham ne kiyaa tha wo kaarobaar na tha Na tum ne jiitee ye baazee na main ne haaree thee Tavaaf karte the us kaa bahaar ke manzar Jo dil kee sej pe utree ajab savaaree thee Tumhaaraa aanaa bhee achchhaa nahin lagaa mujh ko Fasurdagee see ajab aaj dil pe taaree thee Kisee bhee zulm pe koi bhee kuch na kahtaa tha Na jaane kaun see jaan thee jo itnee pyaaree thee Hujoom baDhtaa chalaa jaataa tha sar-e-mahfil BaDe rasaan se qaatil kee mashq jaaree thee Tamaashaa dekhne vaalon ko kaun batlaataa Ki is ke ba.ad inhee men kisee kee baaree thee Vo is tarah tha mire baazuon ke halqe men Na dil ko chain tha 'amjad' na be-qaraaree thee Jo din tha ek musibat to raat bhaari thi Guzarni thi magar zindagi, guzari thi Sawad-e-shauq mein aise bhi kuch maqam aae Na mujh ko apni KHabar thi na kuch tumhaari thi Larazte hathon se diwar lipTi jati thi Na puchh kis tarah taswir wo utari thi Jo pyar hum ne kiya tha wo karobar na tha Na tum ne jiti ye bazi na main ne haari thi Tawaf karte the us ka bahaar ke manzar Jo dil ki sej pe utri ajab sawari thi Tumhaara aana bhi achchha nahin laga mujh ko Fasurdagi si ajab aaj dil pe tari thi Kisi bhi zulm pe koi bhi kuch na kahta tha Na jaane kaun si jaan thi jo itni pyari thi Hujum baDhta chala jata tha sar-e-mahfil BaDe rasan se qatil ki mashq jari thi Tamasha dekhne walon ko kaun batlata Ki is ke baad inhi mein kisi ki bari thi Wo is tarah tha mere bazuon ke halqe mein Na dil ko chain tha 'amjad' na be-qarari thi