kab se ham log is bhanvar men hain

Kab se ham log is bhanvar men hain Apne ghar men hain yaa safar men hain Yuun to uDne ko aasmaan hain bahut Ham hee aashob-e-baal-o-par men hain Zindagee ke tamaam-tar raste Maut hee ke aziim Dar men hain Itne khadshe nahin hain raston men Jis qadar khwaish-e-safar men hain Siip aur jauharee ke sab rishte Sher aur sher ke hunar men hain Saaya-e-raahat-e-shajar se nikal Kuchh uDaanen jo baal-o-par men hain Aks be-naqsh ho ga.e 'amjad' Log phir aa.inon ke Dar men hain Kab se hum log is bhanwar mein hain Apne ghar mein hain ya safar mein hain Yun to uDne ko aasman hain bahut Hum hi aashob-e-baal-o-par mein hain Zindagi ke tamam-tar raste Maut hi ke azim Dar mein hain Itne KHadshe nahin hain raston mein Jis qadar KHwahish-e-safar mein hain Sip aur jauhari ke sab rishte Sher aur sher ke hunar mein hain Saya-e-rahat-e-shajar se nikal Kuchh uDanen jo baal-o-par mein hain Aks be-naqsh ho gae 'amjad' Log phir aainon ke Dar mein hain