kahaan aa ke rukne the raaste kahaan mod tha use bhuul jaa

Kahaan aa ke rukne the raaste kahaan moD tha use bhuul jaa Vo jo mil gaya use yaad rakh jo nahin milaa use bhuul jaa Vo tire naseeb kee baarishen kisee aur chhat pe baras ga.iin Dil-e-be-khabar miree baat sun use bhuul jaa use bhuul jaa Main to gum tha tere hee dhyaan men tiree aas tere gumaan men Sabaa kah ga.ee mire kaan men mire saath aa use bhuul jaa Kisee aankh men nahin ashk-e-gham tire baa'd kuch bhee nahin hai kam Tujhe zindagee ne bhulaa diyaa too bhee muskuraa use bhuul jaa Kaheen chaak-e-jaan kaa rafoo nahin kisee aasteen pe lahoo nahin Ki shaheed-e-raah-e-malaal kaa nahin khoon-bahaa use bhuul jaa Kyuun aTaa huaa hai ghubaar men gham-e-zindagee ke fishaar men Vo jo dard tha tire bakht men so wo ho gaya use bhuul jaa Tujhe chaand ban ke milaa tha jo tire saahilon pe khilaa tha jo Vo tha ek Dariya visaal kaa so utar gaya use bhuul jaa Kahan aa ke rukne the raste kahan moD tha use bhul ja Wo jo mil gaya use yaad rakh jo nahin mila use bhul ja Wo tere nasib ki barishen kisi aur chhat pe baras gain Dil-e-be-KHabar meri baat sun use bhul ja use bhul ja Main to gum tha tere hi dhyan mein teri aas tere guman mein Saba kah gai mere kan mein mere sath aa use bhul ja Kisi aankh mein nahin ashk-e-gham tere ba'd kuch bhi nahin hai kam Tujhe zindagi ne bhula diya tu bhi muskura use bhul ja Kahin chaak-e-jaan ka rafu nahin kisi aastin pe lahu nahin Ki shahid-e-rah-e-malal ka nahin KHun-baha use bhul ja Kyun aTa hua hai ghubar mein gham-e-zindagi ke fishaar mein Wo jo dard tha tere baKHt mein so wo ho gaya use bhul ja Tujhe chand ban ke mila tha jo tere sahilon pe khila tha jo Wo tha ek dariya visal ka so utar gaya use bhul ja