khud supurdagii

Raat bheege to puraane qisse Pa.e tarteeb koi aur sahaaraa DhoonDen Chaandnee niind kaa phailaa huaa jaadoo le kar Dil ke be-khvaab nagar men utre Aur havaa dhoop se baulaa.ee huee saDkon par Loriyaan gaatee nikle Os har phuul ke daaman men sitaare bhar de Lekin is khvaab-e-khayaalee kaa nateeja kya hai Raat kee god mire dard kee manzil to nahin Daaman-e-gul pe chamaktee shabnam Loriyaan detee huee sard havaa Chaandee kee narm sunahree kirnen Sab ke seenon men utar jaa.engee Kal ke suraj kee jhulastee kirnen Dard phir khaak-ba-sar aa.egaa Khvaab kee aankh men simTaa huaa sara kaajal Khud usee khvaab ke chehre pe bikhar jaa.egaa Dil ke qisson kaa muqaddar hai pareshaan-haalee Pa.e tarteeb sahaaron kaa ta.aaqub chhoDo Soch ke bakht men iz.haar kaa lamha kab tha Dil-e-naakaam saraabon kaa ta.aaqub chhoDo Sub.h-dam phir vahee putlee kaa tamaashaa hogaa Jaagtee raat ke khawabon kaa ta.aaqub chhoDo Raat bhige to purane qisse Pae tartib koi aur sahaara DhunDen Chandni nind ka phaila hua jadu le kar Dil ke be-KHwab nagar mein utre Aur hawa dhup se baulai hui saDkon par Loriyan gati nikle Os har phul ke daman mein sitare bhar de Lekin is KHwab-e-KHayali ka natija kya hai Raat ki god mere dard ki manzil to nahin Daman-e-gul pe chamakti shabnam Loriyan deti hui sard hawa Chandi ki narm sunahri kirnen Sab ke sinon mein utar jaengi Kal ke suraj ki jhulasti kirnen Dard phir KHak-ba-sar aaega KHwab ki aankh mein simTa hua sara kajal KHud usi KHwab ke chehre pe bikhar jaega Dil ke qisson ka muqaddar hai pareshan-haali Pae tartib sahaaron ka taaqub chhoDo Soch ke baKHt mein izhaar ka lamha kab tha Dil-e-nakaam sarabon ka taaqub chhoDo Subh-dam phir wahi putli ka tamasha hoga Jagti raat ke KHwabon ka taaqub chhoDo