khvaab e saraab ab jo sochen bhi to khauf aataa hai

Ab jo sochen bhee to khauf aataa hai Kis qadar khvaab the jo khvaab rahe Kis qadar naqsh the jo naqsh sar-e-aab rahe Kis qadar log the jo Dil kee dahleez pe dastak kee tarah rahte the aur naayaab rahe Kis qadar rang the jo Band galiyon ke kham-o-pech men chakraate rahe Apne hone kee tab-o-taab men lahraate rahe Par kabhi aap se baahar na hue Phuul ke haath men zaahir na hue Dil ke girdaab men TuuTe hue patton kee tarah hama-tan raqs rahe Khuun be-naam sitaaron kee tarah aks dar aks rahe Kaise aadarsh the jin ke saa.e Sansanaate hue teeron kee tarah chalte the Hast aur niist ke maabain ajab rishta tha Ruuh kee aag bhaDaktee to badan jalte the Vo shab-o-roz the kya Jab kisee khwaish bedaar kee tughyaanee men Vaqt kee qaid se lamhaat nikal jaate the Khuun men jab bhee sulagtaa tha iraada koi Aahanee tauq tamaazat se pighal jaate the 2 Aankh ke dasht men ab laakh alaav dekhen Ruuh kee barf pighaltee hee nahin Ab wo aadarsh kabhi Vaqt kee ret se jhaanken bhee to yuun jhaankte hain Jis tarah TooTtaa taaraa koi Ek lamhe ke liye kaund ke chhup jaataa hai Kis qadar khvaab the jo khvaab rahe Ab jo sochen bhee to khauf aataa hai Ab jo sochen bhi to KHauf aata hai Kis qadar KHwab the jo KHwab rahe Kis qadar naqsh the jo naqsh sar-e-ab rahe Kis qadar log the jo Dil ki dahliz pe dastak ki tarah rahte the aur nayab rahe Kis qadar rang the jo Band galiyon ke KHam-o-pech mein chakraate rahe Apne hone ki tab-o-tab mein lahraate rahe Par kabhi aap se bahar na hue Phul ke hath mein zahir na hue Dil ke girdab mein TuTe hue patton ki tarah hama-tan raqs rahe KHun be-nam sitaron ki tarah aks dar aks rahe Kaise aadarsh the jin ke sae Sansanate hue tiron ki tarah chalte the Hast aur nist ke mabain ajab rishta tha Ruh ki aag bhaDakti to badan jalte the Wo shab-o-roz the kya Jab kisi KHwahish bedar ki tughyani mein Waqt ki qaid se lamhat nikal jate the KHun mein jab bhi sulagta tha irada koi Aahani tauq tamazat se pighal jate the 2 Aankh ke dasht mein ab lakh alaw dekhen Ruh ki barf pighalti hi nahin Ab wo aadarsh kabhi Waqt ki ret se jhanken bhi to yun jhankte hain Jis tarah TuTta tara koi Ek lamhe ke liye kaund ke chhup jata hai Kis qadar KHwab the jo KHwab rahe Ab jo sochen bhi to KHauf aata hai