lahuu men tairte phirte malaal se kuch hain

Lahoo men tairte phirte malaal se kuch hain Kabhee suno to dilon men savaal se kuch hain Main khud bhee Doob raha hoon har ik sitaare men Ki ye charaagh mire hasb-e-haal se kuch hain Gham-e-firaaq se ik pal nazar nahin haTtee Is aa.ine men tire khadd-o-khaal se kuch hain Ik aur mauj ki ai sail-e-ishtibaah abhee Hamaaree kisht-e-yaqeen men khayaal se kuch hain Tire firaaq kee sadiyaan tire visaal ke pal Shumaar-e-umr men ye maah o saal se kuch hain Lahu mein tairte phirte malal se kuch hain Kabhi suno to dilon mein sawal se kuch hain Main KHud bhi Dub raha hun har ek sitare mein Ki ye charagh mere hasb-e-haal se kuch hain Gham-e-firaq se ek pal nazar nahin haTti Is aaine mein tere KHadd-o-KHal se kuch hain Ek aur mauj ki ai sail-e-ishtibah abhi Hamari kisht-e-yaqin mein KHayal se kuch hain Tere firaq ki sadiyan tere visal ke pal Shumar-e-umr mein ye mah o sal se kuch hain