mohabbat ki ek nazm mohabbat ki ek nazm

Mohabbat kee ek nazm Agar kabhi meree yaad aa.e To chaand raaton kee narm dil-geer raushnee men Kisee sitaare ko dekh lenaa Agar wo nakhl-e-falak se uD kar Tumhaare qadmon men aa gire To ye jaan lenaa wo isti.aara tha mere dil kaa Agar na aa.e Magar ye mumkin hee kis tarah hai Ki tum kisee par nigaah Daalo To us kee deevaar-e-jaan na TuuTe Vo apnee hastee na bhuul jaa.e Agar kabhi meree yaad aa.e Gurez kartee havaa kee lahron pe haath rakhnaa Main khushbuon men tumhen miloongaa Mujhe gulaabon kee pattiyon men talaash karnaa Main os-qatron ke aa.eenon men tumhen miloongaa Agar sitaaron men os-qatron men khushbuon men na paao mujh ko To apne qadmon men dekh lenaa main gard hotee masaafaton men tumhen miloongaa Kaheen pe raushan charaagh dekho To jaan lenaa ki har patange ke saath main bhee bikhar chukaa hoon Tum apne haathon se un patangon kee khaak Dariya men Daal denaa Main khaak ban kar samundaron men safar karoongaa Kisee na dekhe hue jazeere pe Ruk ke tum ko sadaa.en doongaa Samundaron ke safar pe niklo To us jazeere pe bhee utarnaa Mohabbat ki ek nazm Agar kabhi meri yaad aae To chand raaton ki narm dil-gir raushni mein Kisi sitare ko dekh lena Agar wo naKHl-e-falak se uD kar Tumhaare qadmon mein aa gire To ye jaan lena wo istiara tha mere dil ka Agar na aae Magar ye mumkin hi kis tarah hai Ki tum kisi par nigah Dalo To us ki diwar-e-jaan na TuTe Wo apni hasti na bhul jae Agar kabhi meri yaad aae Gurez karti hawa ki lahron pe hath rakhna Main KHushbuon mein tumhein milunga Mujhe gulabon ki pattiyon mein talash karna Main os-qatron ke aainon mein tumhein milunga Agar sitaron mein os-qatron mein KHushbuon mein na pao mujh ko To apne qadmon mein dekh lena main gard hoti masafaton mein tumhein milunga Kahin pe raushan charagh dekho To jaan lena ki har patange ke sath main bhi bikhar chuka hun Tum apne hathon se un patangon ki KHak dariya mein Dal dena Main KHak ban kar samundaron mein safar karunga Kisi na dekhe hue jazire pe Ruk ke tum ko sadaen dunga Samundaron ke safar pe niklo To us jazire pe bhi utarna