nikal ke halqa e shaam o sahar se jaaen kahiin

Nikal ke halqa-e-shaam-o-sahar se jaa.en kaheen Zameen ke saath na mil jaa.en ye khalaa.en kaheen Safar kee raat hai pichhlee kahaaniyaan na kaho Ruton ke saath palaTtee hain kab havaa.en kaheen Fazaa men tairte rahte hain naqsh se kya kya Mujhe talaash na kartee hon ye balaa.en kaheen Havaa hai tez charaagh-e-wafa kaa zikr to kya Tanaaben khema-e-jaan kee na Toot jaa.en kaheen Main os ban ke gul-e-harf par chamaktaa hoon Nikalne vaalaa hai suraj mujhe chhupaa.en kaheen Mire vajood pe utree hain lafz kee soorat BhaTak rahi thiin khalaaon men ye sadaa.en kaheen Havaa kaa lams hai paanv men beDiyon kee tarah Shafaq kee aanch se aankhen pighal na jaa.en kaheen Rukaa huaa hai sitaaron kaa kaarvaan 'amjad' Charaagh apne lahoo se hee ab jalaa.en kaheen Nikal ke halqa-e-sham-o-sahar se jaen kahin Zamin ke sath na mil jaen ye KHalaen kahin Safar ki raat hai pichhli kahaniyan na kaho Ruton ke sath palaTti hain kab hawaen kahin Faza mein tairte rahte hain naqsh se kya kya Mujhe talash na karti hon ye balaen kahin Hawa hai tez charagh-e-wafa ka zikr to kya Tanaben KHema-e-jaan ki na TuT jaen kahin Main os ban ke gul-e-harf par chamakta hun Nikalne wala hai suraj mujhe chhupaen kahin Mere wajud pe utri hain lafz ki surat BhaTak rahi thin KHalaon mein ye sadaen kahin Hawa ka lams hai panw mein beDiyon ki tarah Shafaq ki aanch se aankhen pighal na jaen kahin Ruka hua hai sitaron ka karwan 'amjad' Charagh apne lahu se hi ab jalaen kahin