palkon ki dahliiz pe chamkaa ek sitaaraa tha

Palkon kee dahleez pe chamkaa ek sitaaraa tha Saahil kee is bhiiD men jaane kaun hamaaraa tha Kohsaaron kee guunj kee soorat phail gaya hai wo Main ne apne-aap men chhup kar jise pukaaraa tha Sar se guzartee har ik mauj ko aise dekhte hain Jaise is girdaab-e-fanaa men yahee sahaaraa tha Hijr kee shab wo niilee aankhen aur bhee niilee thiin Jaise us ne apne sar se bojh utaaraa tha Jis kee jhilmiltaa men tum ne mujh ko qatl kiyaa PatjhaD kee us raat wo sab se raushan taaraa tha Tark-e-wafa ke ba.ad milaa to jab ma.aloom huaa Is men kitne rang the us ke kaun hamaaraa tha Kaun kahaan par jhooTaa niklaa kya batlaate ham Duniyaa kee tafreeh thee is men hamen khasaaraa tha Jo manzil bhee raah men aa.ee dil kaa bojh banee Vo us kee ta.abeer na thee jo khvaab hamaaraa tha Ye kaisee awaaz hai jis kee zinda guunj huun main Sub.h-e-azal men kis ne 'amjad' mujhe pukaaraa tha Palkon ki dahliz pe chamka ek sitara tha Sahil ki is bhiD mein jaane kaun hamara tha Kohsaron ki gunj ki surat phail gaya hai wo Main ne apne-ap mein chhup kar jise pukara tha Sar se guzarti har ek mauj ko aise dekhte hain Jaise is girdab-e-fana mein yahi sahaara tha Hijr ki shab wo nili aankhen aur bhi nili thin Jaise us ne apne sar se bojh utara tha Jis ki jhilmilta mein tum ne mujh ko qatl kiya PatjhaD ki us raat wo sab se raushan tara tha Tark-e-wafa ke baad mila to jab malum hua Is mein kitne rang the us ke kaun hamara tha Kaun kahan par jhuTa nikla kya batlate hum Duniya ki tafrih thi is mein hamein KHasara tha Jo manzil bhi rah mein aai dil ka bojh bani Wo us ki tabir na thi jo KHwab hamara tha Ye kaisi aawaz hai jis ki zinda gunj hun main Subh-e-azal mein kis ne 'amjad' mujhe pukara tha