parde men laakh phir bhi numuudaar kaun hai

Parde men laakh phir bhee numoodaar kaun hai Hai jis ke dam se garmee-e-baazaar kaun hai Vo saamne hai phir bhee dikhaa.ee na de sake Mere aur us ke beach ye deevaar kaun hai Baagh-e-wafa men ho nahin saktaa ye faisla Sayyaad yaan pe kaun giraftaar kaun hai Maanaa nazar ke saamne hai be-shumaar dhund Hai dekhnaa ki dhund ke is paar kaun hai Kuchh bhee nahin hai paas pe rahtaa hai phir bhee khush Sab kuch hai jis ke paas wo bezaar kaun hai Yuun to dikhaa.ee dete hain asraar har taraf Khultaa nahin ki saahab-e-asraar kaun hai 'amjad' alag see aap ne kholee hai jo dukaan Jins-e-hunar kaa yaan ye khareedaar kaun hai Parde mein lakh phir bhi numudar kaun hai Hai jis ke dam se garmi-e-bazar kaun hai Wo samne hai phir bhi dikhai na de sake Mere aur us ke beach ye diwar kaun hai Bagh-e-wafa mein ho nahin sakta ye faisla Sayyaad yan pe kaun giraftar kaun hai Mana nazar ke samne hai be-shumar dhund Hai dekhna ki dhund ke is par kaun hai Kuchh bhi nahin hai pas pe rehta hai phir bhi KHush Sab kuch hai jis ke pas wo bezar kaun hai Yun to dikhai dete hain asrar har taraf Khulta nahin ki sahab-e-asrar kaun hai 'amjad' alag si aap ne kholi hai jo dukan Jins-e-hunar ka yan ye KHaridar kaun hai