raat main is kashmakash men ek pal soyaa nahin

Raat main is kashmakash men ek pal soyaa nahin Kal main jab jaane lagaa to us ne kyuun rokaa nahin Yuun agar sochoon to ik ik naqsh hai siine pe naqsh Haa.e wo chehra ki phir bhee aankh men bantaa nahin Kyuun uDaatee phir rahi hai dar-ba-dar mujh ko havaa Main agar ik shaakh se TuuTaa huaa pattaa nahin Aaj tanhaa hoon to kitnaa ajnabee maahaul hai Ek bhee raste ne tere shahr men rokaa nahin Harf barg-e-khushk ban kar TooTte girte rahe Ghuncha-e-arz-e-tamannaa honT par phooTaa nahin Dard kaa rasta hai yaa hai saa.at-e-roz-e-hisaab SaikaDon logon ko rokaa ek bhee Thahraa nahin Shabnamee aankhon ke jugnoo kaanpte honTon ke phuul Ek lamha tha jo 'amjad' aaj tak guzraa nahin Raat main is kashmakash mein ek pal soya nahin Kal main jab jaane laga to us ne kyun roka nahin Yun agar sochun to ek ek naqsh hai sine pe naqsh Hae wo chehra ki phir bhi aankh mein banta nahin Kyun uDati phir rahi hai dar-ba-dar mujh ko hawa Main agar ek shaKH se TuTa hua patta nahin Aaj tanha hun to kitna ajnabi mahaul hai Ek bhi raste ne tere shahr mein roka nahin Harf barg-e-KHushk ban kar TuTte girte rahe Ghuncha-e-arz-e-tamanna honT par phuTa nahin Dard ka rasta hai ya hai saat-e-roz-e-hisab SaikaDon logon ko roka ek bhi Thahra nahin Shabnami aankhon ke jugnu kanpte honTon ke phul Ek lamha tha jo 'amjad' aaj tak guzra nahin