samundar aasmaan aur main

Khuleen jo aankhen to sar pe niilaa falak tanaa tha Chahaar-jaanib siyaah paanee kee tund maujon kaa ghalghala tha Havaa.en cheekhon ko aur karaahon ko le ke chaltee thiin aur miTTee Kee zard khushboo men maut-mausam kaa zaa.iqa tha Nazar manaazir men Doob kar bhee misaal-e-sheesha tahee thee yaanee Gul-e-tamaashaa nahin khilaa tha Hiraas jazbon kee rahguzar men dil-e-ta.ajjub-zada akelaa Khamosh tanhaa bhaTak raha tha Ki ek saa.e kee narm aahaT ne raaston kaa naseeb badlaa Koee ta.alluq ke chaand lahje men apne-pan kee adaa se bolaa ''mire musaafir udaas mat ho ki ahd-e-furqat hee zindagee hai Ye faaslon kee khaleej raah-e-visaal hai aur talab nigaahon kee raushnee hai Tamaam cheezen tumhaare mere Badan ke rishton kaa silsila hain Tumhen khabar hai ki ham samundar Aur aasmaanon kee intihaa hain!'' Khulin jo aankhen to sar pe nila falak tana tha Chahaar-jaanib siyah pani ki tund maujon ka ghalghala tha Hawaen chiKHon ko aur karahon ko le ke chalti thin aur miTTi Ki zard KHushbu mein maut-mausam ka zaiqa tha Nazar manazir mein Dub kar bhi misal-e-shisha tahi thi yani Gul-e-tamasha nahin khila tha Hiras jazbon ki rahguzar mein dil-e-tajjub-zada akela KHamosh tanha bhaTak raha tha Ki ek sae ki narm aahaT ne raston ka nasib badla Koi talluq ke chand lahje mein apne-pan ki ada se bola Mire musafir udas mat ho ki ahd-e-furqat hi zindagi hai Ye faslon ki KHalij rah-e-visal hai aur talab nigahon ki raushni hai Tamam chizen tumhaare mere Badan ke rishton ka silsila hain Tumhein KHabar hai ki hum samundar Aur aasmanon ki intiha hain!