self made logon kaa alamiya self made logon kaa alamiya

Self made logon kaa alamiya Raushnee mizaajon kaa kya ajab muqaddar hai Zindagee ke raste men bichhne vaale kaanTon ko Raah se haTaane men Ek ek tinke se aashiyaan banaane men Khushbuen pakaDne men gulistaan sajaane men Umr kaaT dete hain Umr kaaT dete hain Aur apne hisse ke phuul baanT dete hain Kaisee kaisee khwaish ko qatl karte jaate hain Darguzar ke gulshan men abr ban ke rahte hain Sabr ke samundar men kashtiyaan chalaate hain Ye nahin ki un ko is roz-o-shab kee kaahish kaa Kuchh sila nahin miltaa Marne vaalee aason kaa khoon-bahaa nahin miltaa Zindagee ke daaman men jis qadar bhee khushiyaan hain Sab hee haath aatee hain Sab hee mil bhee jaatee hain Vaqt par nahin milteen waqt par nahin aateen Yaanee un ko mehnat kaa ajr mil to jaataa hai Lekin is tarah jaise Qarz kee raqam koi qist qist ho jaa.e Asl jo ibaarat ho pas navisht ho jaa.e Fasl-e-gul ke aakhir men phuul un ke khulte hain Un ke sahn men suraj der men nikalte hain Self made logon ka alamiya Raushni mizajon ka kya ajab muqaddar hai Zindagi ke raste mein bichhne wale kanTon ko Rah se haTane mein Ek ek tinke se aashiyan banane mein KHushbuen pakaDne mein gulistan sajaane mein Umr kaT dete hain Umr kaT dete hain Aur apne hisse ke phul banT dete hain Kaisi kaisi KHwahish ko qatl karte jate hain Darguzar ke gulshan mein abr ban ke rahte hain Sabr ke samundar mein kashtiyan chalate hain Ye nahin ki un ko is roz-o-shab ki kahish ka Kuchh sila nahin milta Marne wali aason ka KHun-baha nahin milta Zindagi ke daman mein jis qadar bhi KHushiyan hain Sab hi hath aati hain Sab hi mil bhi jati hain Waqt par nahin miltin waqt par nahin aatin Yani un ko mehnat ka ajr mil to jata hai Lekin is tarah jaise Qarz ki raqam koi qist qist ho jae Asl jo ibarat ho pas nawisht ho jae Fasl-e-gul ke aaKHir mein phul un ke khulte hain Un ke sahn mein suraj der mein nikalte hain