shaam dhale jab bastii vaale laut ke ghar ko aate hain

Shaam Dhale jab bastee vaale lauT ke ghar ko aate hain AahaT aahaT dastak dastak kya kya ham ghabraate hain Ahl-e-junoon to dil kee sadaa par jaan se apnee jaa bhee chuke Ahl-e-khirad ab jaane ham ko kya samjhaane aate hain Jaise rail kee har khiDkee kee apnee apnee dunya hai Kuchh manzar to ban nahin paate kuch peechhe rah jaate hain Jis kee har ik iinT men jazb hain un ke apne hee aansoo Vaa.e ki ab wo ahl-e-duaa hee is mehraab ko Dhaate hain Aaj kee shab to kaT hee chalee hai khawabon aur saraabon men Aane vaale din ab dekhen kya manzar dikhlaate hain Saaree umr hee dil se apna aisa kuch bartaav raha Jaise khel men haarne vaale bachche ko bahlaate hain Naa-mumkin ko mumkin 'amjad' ahl-e-wafa kar sakte hain Paanee aur havaa par dekho kya kya naqsh banaate hain Sham Dhale jab basti wale lauT ke ghar ko aate hain AahaT aahaT dastak dastak kya kya hum ghabraate hain Ahl-e-junun to dil ki sada par jaan se apni ja bhi chuke Ahl-e-KHirad ab jaane hum ko kya samjhane aate hain Jaise rail ki har khiDki ki apni apni duniya hai Kuchh manzar to ban nahin pate kuch pichhe rah jate hain Jis ki har ek inT mein jazb hain un ke apne hi aansu Wae ki ab wo ahl-e-dua hi is mehrab ko Dhate hain Aaj ki shab to kaT hi chali hai KHwabon aur sarabon mein Aane wale din ab dekhen kya manzar dikhlate hain Sari umr hi dil se apna aisa kuch bartaw raha Jaise khel mein haarne wale bachche ko bahlate hain Na-mumkin ko mumkin 'amjad' ahl-e-wafa kar sakte hain Pani aur hawa par dekho kya kya naqsh banate hain