shikast e anaa

Aaj kee raat bahut sard bahut kaalee hai Teergee aise lipaTtee hai havaa-e-gham se Apne bichhDe hue saajan se milee hai jaise Mish.al-e-khvaab kuch is taur bujhee hai jaise Dard ne jaagtee aankhon kee chamak khaa lee hai Shauq kaa naam na khwaish kaa nishaan hai koi Barf kee sil ne mire dil kee jagah paa lee hai Ab dhundalke bhee nahin zeenat-e-chashm-e-be-khvaab Aas kaa roop-mahl dast-e-tahee hai jaise Bahr-e-imkaan pe kaa.ee see jamee hai jaise Aise lagtaa hai ki jaise miraa ma.amoora-e-jaan Kisee sailaab-zada ghar kee zaboon-haalee hai Na koi dost na taaraa ki jise batlaa.oon Is tarah Toot ke bikhraa hai anaa kaa sheesha Meraa pindaar mire dil ke liye gaalee hai Nabz taaron kee tarah Doob rahi hai jaise! Gham kee pinhaa.ee samundar se baDee hai jaise! Aankh sahraaon ke daaman kee tarah khaalee hai Vahshat-e-jaan kee taraf dekh ke yuun lagtaa hai Maut is tarah ke jiine se bhalee hai jaise Teergee chhaTne lagee, waqt rukegaa kyoon-kar Sub.h-e-khursheed liye dar pe khaDee hai jaise Daagh-e-rusvaa.ee chhupaane se nahin chhup saktaa Ye to yuun hai ki jabeen bol rahi hai jaise! Aaj ki raat bahut sard bahut kali hai Tirgi aise lipaTti hai hawa-e-gham se Apne bichhDe hue sajan se mili hai jaise Mishal-e-KHwab kuch is taur bujhi hai jaise Dard ne jagti aankhon ki chamak kha li hai Shauq ka nam na KHwahish ka nishan hai koi Barf ki sil ne mere dil ki jagah pa li hai Ab dhundalke bhi nahin zinat-e-chashm-e-be-KHwab Aas ka rup-mahl dast-e-tahi hai jaise Bahr-e-imkan pe kai si jami hai jaise Aise lagta hai ki jaise mera mamura-e-jaan Kisi sailab-zada ghar ki zabun-haali hai Na koi dost na tara ki jise batlaun Is tarah TuT ke bikhra hai ana ka shisha Mera pindar mere dil ke liye gali hai Nabz taron ki tarah Dub rahi hai jaise! Gham ki pinhai samundar se baDi hai jaise! Aankh sahraon ke daman ki tarah KHali hai Wahshat-e-jaan ki taraf dekh ke yun lagta hai Maut is tarah ke jine se bhali hai jaise Tirgi chhaTne lagi, waqt rukega kyun-kar Subh-e-KHurshid liye dar pe khaDi hai jaise Dagh-e-ruswai chhupane se nahin chhup sakta Ye to yun hai ki jabin bol rahi hai jaise!