suuraj ki pahlii kiran sun ai havaa e be dili

Sun ai havaa-e-be-dilee Abhee to chashm-e-tar men un kee sooraten Ravaan-davaan hain jin ke saans kee mahak Men jaa chukee bahaar kaa nikhaar hai Ki jin ke khvaab kee chamak palak palak Bikhartee aarzoo men paa.edaar hai Abhee to un kee khaak ko zameen bhee nahin milee Sun ai havaa-e-be-dilee Agarche is dayaar men har-ek-soo Ka.ee ruton kee gum-shuda bahaar kaa fishaar hai Ghubaar-e-intizaar hai Magar ye zard ghaaTiyaan ye kaarvaan-e-be-nishaan Safar kee intihaa nahin Dhuaan dhuaan hain jism-o-jaan magar zabaan hai gul-fishaan Ki dil abhee miraa nahin Nazar men hai wo fasl-e-gul jo ab talak nahin khilee Sun ai havaa-e-be-dilee Hamen usee zameen se rifaaqat-e-yaqeen hai Milegee kisht-e-aarzoo Ki raushnee kee justujoo men raushnee kaa raaz hai Hamaare ird-gird kee har ek shai savaal hai Un ungliyon kee por por saahab-e-kamaal hai Alvidaa.a alvidaa.a ai be-dilee Ki ye hamaaree dostee kaa nuqta-e-zavaal hai Sun ai hawa-e-be-dili Abhi to chashm-e-tar mein un ki suraten Rawan-dawan hain jin ke sans ki mahak Mein ja chuki bahaar ka nikhaar hai Ki jin ke KHwab ki chamak palak palak Bikharti aarzu mein paedar hai Abhi to un ki KHak ko zamin bhi nahin mili Sun ai hawa-e-be-dili Agarche is dayar mein har-ek-su Kai ruton ki gum-shuda bahaar ka fishaar hai Ghubar-e-intizar hai Magar ye zard ghaTiyan ye karwan-e-be-nishan Safar ki intiha nahin Dhuan dhuan hain jism-o-jaan magar zaban hai gul-fishan Ki dil abhi mera nahin Nazar mein hai wo fasl-e-gul jo ab talak nahin khili Sun ai hawa-e-be-dili Hamein usi zamin se rifaqat-e-yaqin hai Milegi kisht-e-arzu Ki raushni ki justuju mein raushni ka raaz hai Hamare ird-gird ki har ek shai sawal hai Un ungliyon ki por por sahab-e-kamal hai Alwidaa alwidaa ai be-dili Ki ye hamari dosti ka nuqta-e-zawal hai