teraa ye lutf kisi zakhm kaa unvaan na ho

Teraa ye lutf kisee zakhm kaa unvaan na ho Ye jo saahil saa nazar aataa hai toofaan na ho Kyaa balaa shahr pe TuuTee hai khuda khair kare Yuun sar-e-shaam koi dasht bhee veeraan na ho Rang khushboo se judaa ho to bikhar jaataa hai Dekhne vaale mire haal pe hairaan na ho Baat bantee hai to phir aap hee ban jaatee hai Itnee maayoos muqaddar se miree jaan na ho Siikh is shahr men jiine kaa saleeqa 'amjad' Koee martaa hai mare, aap kaa nuqsaan na ho Tera ye lutf kisi zaKHm ka unwan na ho Ye jo sahil sa nazar aata hai tufan na ho Kya bala shahr pe TuTi hai KHuda KHair kare Yun sar-e-sham koi dasht bhi viran na ho Rang KHushbu se juda ho to bikhar jata hai Dekhne wale mere haal pe hairan na ho Baat banti hai to phir aap hi ban jati hai Itni mayus muqaddar se meri jaan na ho Sikh is shahr mein jine ka saliqa 'amjad' Koi marta hai mare, aap ka nuqsan na ho