wo Abhi apne chehre men utraa nahin

Kis se poochhoon wo kya Shakhs hai jo miree Aarzoo ke jharokon men Thahre hue Saare chehron men bikhraa huaa hai magar Khud abhee apne chehre men utraa nahin Kis se poochhoon wo kya Naam hai jo miree DhaDkanon ke muqaddar men marqoom hai Aur wo kya ajnabee hai jo sadiyon se mere khayaalon ke qarye men aabaad hai Magar meraa soorat-shanaasaa nahin Kis kee awaaz hai! Jo miree ruuh men naghma-parvaaz hai Kaun batlaa.egaa us nagar kaa pata Jis kee miTTee kee khushboo mire jism ke vaaste durj hai, Jis ke deevaar-o-dar meree be-khvaab aankhon se maanoos hain Aur jis ko kabhi main ne dekhaa nahin Naa-rasaa.ee miree naa-rasaa.ee miree! Jis ko paayaa na tha us ko khone kaa gham Meree khwaish ke siine kaa naasoor hai Kis ko awaaz duun kis kaa maatam karoon Vo abhee apne chehre men utraa nahin Kis se poochhoon miraa mudda.aa kaun hai! Naa-rasaa kaun hai! Kis se puchhun wo kya ShaKHs hai jo meri Aarzu ke jharokon mein Thahre hue Sare chehron mein bikhra hua hai magar KHud abhi apne chehre mein utra nahin Kis se puchhun wo kya Nam hai jo meri DhaDkanon ke muqaddar mein marqum hai Aur wo kya ajnabi hai jo sadiyon se mere KHayalon ke qarye mein aabaad hai Magar mera surat-shanasa nahin Kis ki aawaz hai! Jo meri ruh mein naghma-parwaz hai Kaun batlaega us nagar ka pata Jis ki miTTi ki KHushbu mere jism ke waste durj hai, Jis ke diwar-o-dar meri be-KHwab aankhon se manus hain Aur jis ko kabhi main ne dekha nahin Na-rasai meri na-rasai miri! Jis ko paya na tha us ko khone ka gham Meri KHwahish ke sine ka nasur hai Kis ko aawaz dun kis ka matam karun Wo abhi apne chehre mein utra nahin Kis se puchhun mera muddaa kaun hai! Na-rasa kaun hai!