yaad ke sahraa men kuch to zindagii aae nazar

Yaad ke sahraa men kuch to zindagee aa.e nazar Sochtaa hoon ab banaa luun ret se hee koi ghar Kis qadar yaaden ubhar aa.ee hain tere naam se Ek patthar phenkne se paD ga.e kitne bhanvar Vaqt ke andhe kun.en men pal rahi hai zindagee Ai mire husn-e-takhyyul baam se neeche utar Too aseer-e-aabroo-e-sheva-e-pindaar-e-husn Main giraftaar-e-nigaah-e-zindagee-e-mukhtasar Zabt ke qarye men 'amjad' dekhiye kaise kaTe Soch kee suunee saDak par yaad kaa lambaa safar Yaad ke sahra mein kuch to zindagi aae nazar Sochta hun ab bana lun ret se hi koi ghar Kis qadar yaaden ubhar aai hain tere nam se Ek patthar phenkne se paD gae kitne bhanwar Waqt ke andhe kunen mein pal rahi hai zindagi Ai mere husn-e-taKHyyul baam se niche utar Tu asir-e-abru-e-shewa-e-pindar-e-husn Main giraftar-e-nigah-e-zindagi-e-muKHtasar Zabt ke qarye mein 'amjad' dekhiye kaise kaTe Soch ki suni saDak par yaad ka lamba safar