ye aur baat hai tujh se gilaa nahin karte

Ye aur baat hai tujh se gilaa nahin karte Jo zakhm too ne diye hain bharaa nahin karte Hazaar jaal liye ghoomtee phire dunya Tire asiir kisee ke huaa nahin karte Ye aa.inon kee tarah dekh-bhaal chaahte hain Ki dil bhee TooTen to phir se juDaa nahin karte Vafaa kee aanch sukhan kaa tapaak do in ko Dilon ke chaak rafoo se silaa nahin karte Jahaan ho pyaar ghalat-fahmiyaan bhee hotee hain So baat baat pe yuun dil buraa nahin karte Hamen hamaaree anaa.en tabaah kar dengee Mukaalme kaa agar silsila nahin karte Jo ham pe guzree hai jaanaan wo tum pe bhee guzre Jo dil bhee chaahe to aisi duaa nahin karte Har ik duaa ke muqaddar men kab huzooree hai Tamaam ghunche to 'amjad' khilaa nahin karte Ye aur baat hai tujh se gila nahin karte Jo zaKHm tu ne diye hain bhara nahin karte Hazar jal liye ghumti phire duniya Tere asir kisi ke hua nahin karte Ye aainon ki tarah dekh-bhaal chahte hain Ki dil bhi TuTen to phir se juDa nahin karte Wafa ki aanch suKHan ka tapak do in ko Dilon ke chaak rafu se sila nahin karte Jahan ho pyar ghalat-fahmiyan bhi hoti hain So baat baat pe yun dil bura nahin karte Hamein hamari anaen tabah kar dengi Mukalme ka agar silsila nahin karte Jo hum pe guzri hai jaanan wo tum pe bhi guzre Jo dil bhi chahe to aisi dua nahin karte Har ek dua ke muqaddar mein kab huzuri hai Tamam ghunche to 'amjad' khila nahin karte