ye gard baad e tamanaa men ghuumte hue din

Ye gard-baad-e-tamanaa men ghoomte hue din Kahaan pe jaa ke rukenge ye bhaagte hue din Ghuroob hote ga.e raat ke andheron men Naved-e-amn ke suraj ko DhoonDte hue din Na jaane kaun khalaa ke ye isti.aare hain Tumhaare hijr kee galiyon men goonjte hue din Na aap chalte na dete hain raasta ham ko Thakee thakee see ye shaamen ye oonghte hue din Phir aaj kaise kaTegee pahaaD jaisee raat Guzar gaya hai yahee baat sochte hue din Tamaam umr mire saath saath chalte rahe Tumheen ko DhoonDte tum ko pukaarte hue din Har ek raat jo taameer phir se hotee hai KaTegaa phir vahee deevaar chaaTte hue din Mire qareeb se guzre hain baar-haa 'amjad' Kisee ke vasl ke vaade ko dekhte hue din Ye gard-baad-e-tamana mein ghumte hue din Kahan pe ja ke rukenge ye bhagte hue din Ghurub hote gae raat ke andheron mein Nawed-e-amn ke suraj ko DhunDte hue din Na jaane kaun KHala ke ye istiare hain Tumhaare hijr ki galiyon mein gunjte hue din Na aap chalte na dete hain rasta hum ko Thaki thaki si ye shamen ye unghte hue din Phir aaj kaise kaTegi pahaD jaisi raat Guzar gaya hai yahi baat sochte hue din Tamam umr mere sath sath chalte rahe Tumhin ko DhunDte tum ko pukarte hue din Har ek raat jo tamir phir se hoti hai KaTega phir wahi diwar chaTte hue din Mere qarib se guzre hain bar-ha 'amjad' Kisi ke wasl ke wade ko dekhte hue din