ye jo haasil hamen har shai ki faraavaanii hai

Ye jo haasil hamen har shai kee faraavaanee hai Ye bhee to apnee jagah ek pareshaanee hai Zindagee kaa hee nahin Thor-Thikaana ma.aloom Maut to tai hai ki kis waqt kahaan aanee hai Koee kartaa hee nahin zikr vafaadaaree kaa In dinon ishq men aasaanee hee aasaanee hai Kab ye sochaa tha kabhi dost ki yuun bhee hogaa Teree soorat tiree awaaz se pahchaanee hai Chain lene hee nahin detee kisee pal mujh ko Roz-e-avval se mire saath jo hairaanee hai Ye bhee mumkin hai ki aabaadee ho is se aage Ye jo taa-hadd-e-nazar phailtee veeraanee hai Kyuun sitaare hain kaheen aur kaheen aansoo hain Aankh vaalon ne yahee ramz nahin jaanee hai Takht se takhta bahut duur nahin hota hai Bas yahee baat hamen aap ko batlaanee hai Dost kee bazm hee wo bazm hai 'amjad' ki jahaan Aql ko saath men rakhnaa baDee naadaanee hai Ye jo hasil hamein har shai ki farawani hai Ye bhi to apni jagah ek pareshani hai Zindagi ka hi nahin Thor-Thikana malum Maut to tai hai ki kis waqt kahan aani hai Koi karta hi nahin zikr wafadari ka In dinon ishq mein aasani hi aasani hai Kab ye socha tha kabhi dost ki yun bhi hoga Teri surat teri aawaz se pahchani hai Chain lene hi nahin deti kisi pal mujh ko Roz-e-awwal se mere sath jo hairani hai Ye bhi mumkin hai ki aabaadi ho is se aage Ye jo ta-hadd-e-nazar phailti virani hai Kyun sitare hain kahin aur kahin aansu hain Aankh walon ne yahi ramz nahin jaani hai TaKHt se taKHta bahut dur nahin hota hai Bas yahi baat hamein aap ko batlani hai Dost ki bazm hi wo bazm hai 'amjad' ki jahan Aql ko sath mein rakhna baDi nadani hai