zaraa sii baat zindagii ke maile men khvaahishon ke rele men

Zindagee ke maile men khvaahishon ke rele men Tum se kya kahen jaanaan is qadar jhamele men Vaqt kee ravaanee hai bakht kee giraanee hai Sakht be-zameenee hai sakht laa-makaanee hai Hijr ke samundar men Takht aur takhte kee ek hee kahaanee hai Tum ko jo sunaanee hai Baat go zaraa see hai Baat umr-bhar kee hai Umr-bhar kee baaten kab do-ghaDee men hotee hain Dard ke samundar men An-ginat jazeere hain be-shumaar motee hain Aankh ke dareeche men tum ne jo sajaayaa tha Baat us diye kee hai Baat us gile kee hai Jo lahoo kee khalvat men chor ban ke aataa hai Lafz kee faseelon par Toot Toot jaataa hai Zindagee se lambee hai baat ratjage kee hai Raaste men kaise ho Baat takhliye kee hai Takhliye kee baaton men guftugoo izaafee hai Pyaar karne vaalon ko ik nigaah kaafee hai Ho sake to sun jaao ek roz akele men Tum se kya kahen jaanaan is qadar jhamele hain Zindagi ke maile mein KHwahishon ke rele mein Tum se kya kahen jaanan is qadar jhamele mein Waqt ki rawani hai baKHt ki girani hai SaKHt be-zamini hai saKHt la-makani hai Hijr ke samundar mein TaKHt aur taKHte ki ek hi kahani hai Tum ko jo sunani hai Baat go zara si hai Baat umr-bhar ki hai Umr-bhar ki baaten kab do-ghaDi mein hoti hain Dard ke samundar mein An-ginat jazire hain be-shumar moti hain Aankh ke dariche mein tum ne jo sajaya tha Baat us diye ki hai Baat us gile ki hai Jo lahu ki KHalwat mein chor ban ke aata hai Lafz ki fasilon par TuT TuT jata hai Zindagi se lambi hai baat ratjage ki hai Raste mein kaise ho Baat taKHliye ki hai TaKHliye ki baaton mein guftugu izafi hai Pyar karne walon ko ek nigah kafi hai Ho sake to sun jao ek roz akele mein Tum se kya kahen jaanan is qadar jhamele hain