zindagaanii jaavedaanii bhi nahin

Zindagaanee jaavedaanee bhee nahin Lekin is kaa koi saanee bhee nahin Hai savaa-neze pe suraj kaa alam Tere gham kee saa.ebaanee bhee nahin Manzilen hee manzilen hain har taraf Raaste kee ik nishaanee bhee nahin Aa.ine kee aankh men ab ke baras Koee aks-e-mehrbaanee bhee nahin Aankh bhee apnee saraab-aalood hai Aur is Dariya men paanee bhee nahin Juz tahayyur gard-baad-e-zeest men Koee manzar ghair-faanee bhee nahin Dard ko dilkash banaa.en kis tarah Daastaan-e-gham kahaanee bhee nahin Yuun luTaa hai gulshan-e-vahm-o-gumaan Koee khaar-e-bad-gumaanee bhee nahin Zindagani jawedani bhi nahin Lekin is ka koi sani bhi nahin Hai sawa-neze pe suraj ka alam Tere gham ki saebani bhi nahin Manzilen hi manzilen hain har taraf Raste ki ek nishani bhi nahin Aaine ki aankh mein ab ke baras Koi aks-e-mehrbani bhi nahin Aankh bhi apni sarab-alud hai Aur is dariya mein pani bhi nahin Juz tahayyur gard-baad-e-zist mein Koi manzar ghair-fani bhi nahin Dard ko dilkash banaen kis tarah Dastan-e-gham kahani bhi nahin Yun luTa hai gulshan-e-wahm-o-guman Koi KHar-e-bad-gumani bhi nahin