darmiyaan gar na tiraa vaada e fardaa hotaa

Darmiyaan gar na tiraa vaada-e-fardaa hotaa Kis ko manzoor ye zahr-e-gham-e-duniyaa hotaa Kyaa qayaamat hai ki ab main bhee naheen vo bhee naheen Dekhnaa thaa to use duur se dekhaa hotaa Kaasa-e-zakhm-talab le ke chalaa huun khaalee Sang-reza hee koee aap ne phenkaa hotaa Falsafa sar-ba-garebaan hai baDee muddat se Kuchh na hotaa to khudaa jaane ki phir kyaa hotaa Ham bhee nau-khez shuaaon kee balaa.en lete Apne zindaan men agar koee dareecha hotaa Aap ne haal-e-dil-e-zaar to poochhaa lekin Poochhnaa thaa to koee us kaa mudaavaa hotaa Dast-e-muflis se tahee-tar hai safeena 'anvar' Is pahunchne se to saahil pe na pahunchaa hotaa