duniyaa bhii ajab qaafila e tishna labaan hai

Duniyaa bhee 'ajab qaafila-e-tishna-labaan hai Har shakhs saraabon ke ta'aaqub men ravaan hai Tanhaa tiree mahfil men naheen huun ki mire saath Ik lazzat-e-paabandee-e-iz.haar-o-bayaan hai Haq baat pe hai zahr bhare jaam kee ta.azeer Ai ghairat-e-eemaan lab-e-suqraat kahaan hai Kheton men samaatee naheen phoolee huee sarson Baaghon men abhee tak vahee hangaam-e-khizaan hai Ehsaas miraa hijr-gazeeda hai azal se Kyaa mujh ko agar koee qareeb-e-rag-e-jaan hai Jo dil ke samundar se ubhartaa hai yaqeen hai Jo zehn ke saahil se guzartaa hai gumaan hai Phoolon pe ghaTaaon ke to saa.e naheen 'anvar' Aavaara-e-gulzaar nasheman kaa dhuaan hai