is ibtidaa kii saliiqe se intihaa karte

Is ibtidaa kee saleeqe se intihaa karte Vo ek baar mile the to phir milaa karte KivaaD garche muqaffal the us havelee ke Magar faqeer guzarte rahe sadaa karte Hamen qareena-e-ranjish kahaan mayassar hai Ham apne bas men jo hote tiraa gilaa karte Tiree jafaa kaa falak se na tazkira chheDaa Hunar kee baat kisee kam-hunar se kyaa karte Tujhe naheen hai abhee fursat-e-karam na sahee Thake naheen hain mire haath bhee duaa karte Unhen shikaayat-e-be-rabtee-e-sukhan thee magar Jhijak rahaa thaa main iz.haar-e-mudda.aa karte Chiqen giree thiin dareechon pe chaar soo 'anvar' Nazar jhukaa ke na chalte to aur kyaa karte