jis tarah kii hain ye diivaaren ye dar jaisaa bhii hai
— Anwar Masood
Jis tarah kee hain ye deevaaren ye dar jaisaa bhee hai
Sar chhupaane ko mayassar to hai ghar jaisaa bhee hai
Us ko mujh se mujh ko us se nisbaten hain be-shumaar
Meree chaahat kaa hai mehvar ye nagar jaisaa bhee hai
Chal paDaa huun shauq-e-be-parvaa ko murshid maan kar
Raasta pur-pech hai yaa pur-khatar jaisaa bhee hai
Sab gavaaraa hai thakan saaree dukhan saaree chubhan
Ek khushboo ke liye hai ye safar jaisaa bhee hai
Vo to hai makhsoos ik teree mohabbat ke liye
Teraa 'anvar' baa-hunar yaa be-hunar jaisaa bhee hai