kab talak yuun dhuup chhaanv kaa tamaashaa dekhnaa
— Anwar Masood
Kab talak yuun dhuup chhaanv kaa tamaashaa dekhnaa
Dhuup men phirnaa ghane peDon kaa saayaa dekhnaa
Saath us ke koee manzar koee pas-e-manzar na ho
Is tarah main chaahtaa huun us ko tanhaa dekhnaa
Raat apne deeda-e-giryaan kaa nazzaara kiyaa
Kis se poochhen khvaab men kaisaa hai dariyaa dekhnaa
Is ghaDee kuchh soojhne degee na ye paagal havaa
Ik zaraa aandhee guzar jaa.e to huliya dekhnaa
Khul ke ro lene kee fursat phir na us ko mil sakee
Aaj phir 'anvar' hansegaa be-tahaashaa dekhnaa