main jurm e khamoshii kii safaaii nahiin detaa
— Anwar Masood
Main jurm-e-khamoshee kee safaa.ee naheen detaa
Zaalim use kahiye jo duhaa.ee naheen detaa
Kahtaa hai ki aavaaz yaheen chhoD ke jaao
Main varna tumhen izn-e-rihaa.ee naheen detaa
Charke bhee lage jaate hain deevaar-e-badan par
Aur dast-e-sitam-gar bhee dikhaa.ee naheen detaa
Aankhen bhee hain rastaa bhee charaaghon kee ziyaa bhee
Sab kuchh hai magar kuchh bhee sujhaa.ee naheen detaa
Ab apnee zameen chaand ke maanind hai 'anvar'
Bolen to kisee ko bhee sunaa.ee naheen detaa