sochnaa ruuh men kaante se bichhaae rakhnaa

Sochnaa ruuh men kaanTe se bichhaa.e rakhnaa Ye bhee kyaa saans kee talvaar banaa.e rakhnaa Ab to ye rasm hai khushboo ke qaseede paDhnaa Phuul gul-daan men kaaghaz ke sajaa.e rakhnaa Teergee TuuT paDe bhee to buraa mat kahiyo Ho sake gar to charaaghon ko jalaa.e rakhnaa Raah men bhiiD bhee paDtee hai abhee se sun lo Haath se haath milaa hai to milaa.e rakhnaa Kitnaa aasaan hai taa.eed kee khoo kar lenaa Kitnaa dushvaar hai apnee koee raa.e rakhnaa Koee takhleeq bhee takmeel na paa.e meree Nazm likh luun to mujhe naam na aa.e rakhnaa Apnee parchhaa.een se munh moD na lenaa 'anvar' Tum use aaj bhee baaton men lagaa.e rakhnaa