use to paas e khuluus e vafaa zaraa bhii nahiin

Use to paas-e-khuloos-e-vafaa zaraa bhee naheen Magar ye aas kaa rishta ki TooTtaa bhee naheen Ghire hue hain khamoshee kee barf men kab se Kisee ke paas koee tesha-e-sadaa bhee naheen Ma.aal-e-ghunch-o-gul hai miree nigaahon men Mujhe tabassum-e-kaazib kaa hausla bhee naheen Tuloo-e-sub.h-e-azal se main DhoonDhtaa thaa jise Milaa to hai pa miree samt dekhtaa bhee naheen Miree sadaa se bhee raftaar tez thee us kee Mujhe gila bhee naheen hai jo vo rukaa bhee naheen Bikhar ga.ee hai nigaahon kee raushnee varna Nazar na aa.e vo itnaa to faasla bhee naheen Sunaa hai aaj kaa mauzoo-e-majlis-e-tanqeed Vo sher hai ki abhee main ne jo kahaa bhee naheen SimaT rahe hain sitaaron ke faasle 'anvar' PaDosiyon ko magar koee jaantaa bhee naheen