aaj be aap ho gae ham bhi

Aaj be-aap ho ga.e ham bhee Aap ko paa ke kho ga.e ham bhee Daane kam the dukhon kee simran men ThoDe motee piro ga.e ham bhee Der se the wo jis ke ghere men Usee jhurmuT men kho ga.e ham bhee Jaa kai DhoonDaa kahaan kahaan na tumhen Jab na paayaa to kho ga.e ham bhee Naam jiine kaa jaagnaa rakh kar Aaj be niind so ga.e ham bhee Ro.enge gar to jag-hansaa.ee ho Karte kya chup se ho ga.e ham bhee Haa.e re 'aarzoo' kee be-aasee Aap be-bas the ro ga.e ham bhee