aane men jhijhak milne men hayaa tum aur kahiin ham aur kahiin

Aane men jhijhak milne men hayaa tum aur kaheen ham aur kaheen Ab ahd-e-wafa TuuTaa ki raha tum aur kaheen ham aur kaheen Be-aap khushee se ek idhar Kuch khoyaa huaa saa ek udhar Zaahir men baham baatin men judaa tum aur kaheen ham aur kaheen Aa.e to khushaamad se aa.e baiThe to muravvat se baiThe Milnaa hee ye kya jab dil na milaa tum aur kaheen ham aur kaheen Va.ada bhee kiyaa to kee na wafa aataa hai tumhen charkon men mazaa ChhoDo bhee ye zid lutf is men hai kya tum aur kaheen ham aur kaheen Bargashta-naseeb kaa yuun honaa sonaa bhee to ik karvaT sonaa Kab tak ye judaa.ee kaa ronaa tum aur kaheen ham aur kaheen Dil milne pe bhee pahloo na milaa dushman to baghal hee men hai chhupaa Qaatil hai mohabbat kee ye hayaa tum aur kaheen ham aur kaheen Yaksooee-e-dil marghoob hamen barbaadi-e-dil matloob tumhen Is zid kaa hai aur anjaam hee kya tum aur kaheen ham aur kaheen Dil se hai agar qaa.em rishta to door-o-qareeb kee bahs hee kya Hai ye bhee nigaahon kaa dhokaa tum aur kaheen ham aur kaheen Sun rakkho qabl-e-ahd-e-wafa qaul aarzoo-e-shaidaa.ee kaa Jannat bhee hai dozakh gar ye huaa tum aur kaheen ham aur kaheen