ai mire zakhm e dil navaaz gam ko khushii banaae jaa

Ai mire zakhm-e-dil-navaaz gham ko khushee banaa.e jaa Aa.ankhon se Khoon bahaa.e jaa honTon se muskuraa.e jaa Jaane se pahle bevafaa shab ko sahar banaa.e jaa Dil ko bujhaa ke kya chalaa sham.a ko bhee bujhaa.e jaa Saans kaa taar Toot jaa.e TuuTe na taar aah kaa Ek hee lai pe gaa.e jaa ek hee dhun bajaa.e jaa Hukm-e-talab ke muntazir shauq kee aabroo na kho Sar ko qadam banaa ke chal aa.ankhon se be-bulaa.e jaa Le wo davaa-e-talkh hai jis kaa asar hai khush-gavaar Piine men munh banaa.e jaa dil men maze uThaa.e jaa Joshish-e-chashm-e-ashk-baar muft na rakh karam kaa baar Meree lagee to bujh chukee apnee lagee bujhaa.e jaa Manzil-e-be-khudee-e-shauq hadd-e-nazar se duur hai Peechhe palaT ke bhee na dekh aage qadam baDhaa.e jaa Ik hama-tan hai paa-e-naaz ik hama-tan sar-e-niyaaz Ye to chalan jahaan kaa hai jitnaa de dabaa.e jaa Zarf-e-sharaab tere paas zuroof-e-suroor mere paas Dil to naheen ba-qadr-e-jaam dekh na munh pilaa.e jaa Donon hain naaz-e-dilbaree zid men hai jin kee aur lutf Ek taraf lagaa.e jaa ek taraf bujhaa.e jaa Chaand men gum chakor khud chaand kaheen chhupaa huaa Apnee talaash khatm kar us kaa pata lagaa.e jaa 'aarzoo' us se kah do saaf gham kaa asar hai der-paa Jald hansee na aa.egee aur abhee gudgudaa.e jaa