dil de raha thaa jo use be dil banaa diyaa

Dil de raha thaa jo use be-dil banaa diyaa Aasaan kaam aap ne mushkil banaa diyaa Har saans ek sho.ala hai har sho.ala ek barq Kya too ne mujh ko ai tapish-e-dil banaa diyaa Is husn-e-zan pe ham-safaron ke hoon paa-ba-gil Mujh be-khabar ko rahbar-e-manzil banaa diyaa Andhaa hai shauq phir nazar imkaan par ho kyuun Kaam apna dil ne aap hee mushkil banaa diyaa DauDaa lahoo ragon men bandhee zindagee kee aas Ye bhee buraa naheen hai jo bismil banaa diyaa Gharq o ubuur donon kaa haasil hai khatm-e-kar Majbooriyon ne mauj ko saahil banaa diyaa Us shaan-e-aajizee ke fidaa jis ne 'aarzoo' Har naaz har ghuroor ke qaabil banaa diyaa