dil men yaad e but e be piir liye baithaa hoon

Dil men yaad-e-but-e-be-peer liye baiThaa hoon Yaanee ik zulm kee tasveer liye baiThaa hoon Aah men dard kee taaseer liye baiThaa hoon Dil men ik Khoon bharaa tiir liye baiThaa hoon Ik zaraa see khalish-e-dard-e-jigar par ye ghamanD Jaise kul ishq kee jaageer liye baiThaa hoon Hai mujhe saaz-e-tarab sokhta-saamaani-e-dil Parda-e-khaak men ikseer liye baiThaa hoon Chuur sheeshe pe nazar paDte hee dil yaad aayaa MiTne vaale tiree tasveer liye baiThaa hoon Qaid ko toD ke samjhaa ki sahaaraa toDaa Haath men paanv kee zanjeer liye baiThaa hoon 'aarzoo' ho chukee sau martaba Dunya bedaar Aur main soee huee taqdeer liye baiThaa hoon