duur the hosh o havaas apne se bhi begaana thaa

Duur the hosh-o-havaas apne se bhee begaana thaa Un ko bazm-e-naaz thee aur mujh ko khalvat-khaana thaa Kheench laayaa thaa ye kis aalam se kis aalam men hosh Apna haal apne liye jaise koi afsaana thaa ChhoTe chhoTe do varaq jal jal ke daftar ban ga.e Dars-e-hasrat de raha thaa jo par-e-parvaana thaa Jaan kar vaarafta un ke chheDne kee der thee Phir to dil ik hosh men aayaa huaa deevaana thaa Zau-fishaan hone lagaa jab dil men husn-e-khud-numaa Phir to kaaba 'aarzoo' kaaba na thaa but-khaana thaa