husn se sharh huii ishq ke afsaane ki

Husn se sharh huee ishq ke afsaane kee Sham.a lau de ke zabaan ban ga.ee parvaane kee Shaan bastee se naheen kam mire veeraane kee Ruuh har bonDle men hai kisee deevaane kee Aamad-e-mausam-e-gul kee hai khabar daur-e-digar Taazgee chaahiye Kuch saakht men paimaane kee Aa.ee hai kaaT ke mee.aad-e-aseeree kee bahaar HatkaDee khul ke giree jaatee hai deevaane kee Sard ai sham.a na ho garmi-e-baazaar-e-jamaal Phoonk de ruuh na.ee laash men parvaane kee UTh khaDaa ho to bagoolaa hai jo baiThe to ghubaar Khaak ho kar bhee vahee shaan hai deevaane kee 'aarzoo' khatm haqeeqat pe huaa daur-e-majaaz Daalee ka.abe kee binaa aaD se but-khaane kee