khaalii baithe kyuun din kaaten aao re ji ik kaam karen

Khaalee baiThe kyuun din kaaTen aao re jee ik kaam karen Wo to hain raaja ham banen parjaa aur jhuk jhuk ke salaam karen Khul paDne men naakaamee hai gum ho kar Kuch kaam karen Des puraanaa bhes banaa ho naam badal kar naam karen Donon jahaan men khidmat teree khaadim ko makhdoom banaa.e Pariyaan jis ke paanv dabaa.en hooren jis kaa kaam karen Hijr kaa sannaaTaa kho degee gahmaa-gahmee naalon kee Raat akele kyoonkar kaaTen sab kee niind haraam karen Mere buraa kahlaane se to achchhe ban nahin sakte aap BaiThe-baiThaa.e ye kya soojhee aao use badnaam karen Dil kee khushee paaband na niklee rasm-o-rivaaj-e-aalam kee Phoolon par to chain na aa.e kaanTon par aaraam karen Aise hee kaam kiyaa kartee hai gardish un kee aankhon kee Shaam ko chaahe sub.h banaa den sub.h ko chaahe shaam karen Laa-mahdood fazaa men phir kar had koi kya Daalegaa Pukhta-kaar-e-junoon ham bhee hain kyuun ye khayaal-e-khaam karen Naam-e-wafa se chiDh un ko aur 'aarzoo' is khoo se majboor Kyoonkar aakhir dil bahlaa.en kis vahshee ko raam karen